Cofita

Pedanía que fa parte del municipio de Fonz, del qual dista 5 quilómetros.

El monumento més embllemático é la illesia románica consagrada a Santa María Magdalena, sita a la Pllaza Mayó. La illesia va sé edificada pels templlarios de Monzón a mediaus del s. XII, pasant a dependé, posteriorment, de la Orden de l’Hespital de Sant Chuan de Cherusalem. É una illesia chicota y de nau única, construida en pedra sillá, con bell tramo de recholas disposadas en opus spicatum. A bell sillá del muro sur, i apareixen grabadas unas siluetas de monches y caballeros templlarios, a peu y a caballo. La illesia está tancada al culto.