Illesia

D’estilo renaixentista, construida entre es anyos 1606 y 1617, se llevanta imponent al cabo d’una escalinata de pedra, y é uno d’es millós exponents de l’arquitectura relichiosa aragonesa. Tiene una nau central y dos laterals, cubiertas per bóvedas estreladas, con ábside poligonal y coro posterió.

Destaca la capiella del Santísimo, rematada per un bello cimborrio. Aiquí s’i guarda un retabllo dedicau a Santa Ana, d’estilo gótico, realizau a finals del s. XVI pel tallé de Pedro García de Benabarre.

La torre-campanal, de gran belleza, s’i troba adosada a la illesia pel frent de l’ábside.