Casa Ric – Palacio d’es Baróns de Valdeolivos

Este palacio va sé construiu en estilo renaixentista aragonés l’anyo 1613, conserva una sobria y elegant fachada, con un interió replleto d’historia.

Va sé residencia de la familia Ric. Bell membro d’esta familia va ocupá importants cargos políticos y administrativos. L’anyo 1765, el rei Carllos III va designá Pasqual Antonio Ric y Exea Primé Barón de Valdeolivos. Entre la llista de baróns, cal destacá-ie D. Pedro María Ric, III Barón, qui va sé Rechent de la Reyal Audiencia d’Aragón y Deputau de las Corz de Cádiz. Va casá con Consuelo Azlor, Condesa vidua de Bureta, distinguint-se es dos per la suya llabó quan la Guerra d’Independencia. A la pllanta noblle, es salóns conservan la sabó y l’encanto d’es ss. XVII al XIX. La Sala de la Música, la Sala d’es Retratos y la Sala de la Purísima u de las Conchas: totas mostran auténticas choyas, tanto en es moblles que las decoran como en es chicoz detalles, quadros, pinturas murals, vaixiellas, vestius d’época y obchetos orientals. Repartius pels salóns s’i troban 14 quadros de Fray Manuel Bayeu.

El palacio puede visitá-se en l’horario d’apertura de la Oficina de Turismo, a on i cal acudí pa sacá-ne entrada. Las visitas son guiadas, y la durada aproximada é d’una hora. El precio de la entrada é de 3 euros. Se recomenda concertá cita previa. Teléfono: 974 412 001.